ITO ANG BUHAY KO ANG BLOG NG SARILI KO series: Kahapon, Ngayon at Bukas

KAHAPON...
Nagmakaawa ako sa kanyang pinsan sa text noong birthday mo na sana ay maiparating sana yung birthday greeting ko para sa kanya. Di ako pinansin ng pinsan niya. Inakala ko na kinalimutan niya na ako. Mga ilang araw pa ang lumipas ngunit wala pa ring nangyari kung kaya kinalimutan ko na siya. At the 1st place sino ba naman ako para umasa sa iyo di ba? Nagbabakasakali naman ako na sana eh magkabalikan kami pero malabo talaga iyon na mangyayari kasi meron naman siyang Johan para magmahal sa kanya. Tahimik lang ako sa isang tabi. Nag-aral ako ng mabuti at sa pagkakataong iyong naging masaya ako sa aking pinaggagawa. Naging workaholic na ako sa lahat ng bagay kung kaya nakalimutan ko na siya.
Isang gabi habang nag-aaral ako nagtext ang kanyang pinsan. Pinabibigay na raw ang number niya sa akin. Sa di malamang kadahilan ay may nadama akong kasiyahan, sa muli matetext ko na siya ulit at nagbabakasakali akong mahalin niya ulit. "Kamusta ka na?", ang unang text niya sa akin. At nagsimula ang pagtetext naming dalawa. Bago pa man matapos ang gabi sinabihan ako na magkikita kami ulit bukas pero magdadala ako ng xmas gift ngayon. Aba demanding naman yata niya. Gusto ko siya makita kung kaya sinunod ko siya.

NGAYON...
Mahigit ilang oras na akong nakatunganga sa mall sa kakahintay sa kanya madedelay daw siya kasi sapagkat yung pamangkin niya eh pumunta ng bahay nila at nag-uusap sila ng matagal. Di na daw kasi siya pumapalagi ng kanilang bahay dahil nagkatrabaho siya dahil kay Johan. Naghintay ako ng naghintay hanggang sa nagkita na kami. Pumayat na talaga siya at as usual ang ganda ng mga mata niya sadyang maamo talaga ang mukha niya. Pero nagalit ako kaagad sa kanya kasi nagmamadali daw siya. May xmas party raw sabi ng pinagtatrabahuan niya, kaya binigyan niya ako ng 10minutes para magkwentuhan. "10 MINUTES LANG AFTER 9 MONTHS?" pagalit kong sinabi sa kanya, humingi siya ng pasensya sa pagkakataong iyon. Sabay kaming sumakay ng jeep kaya kinantiyaw ko siya ng kaunti na baka pupunta siya kay Johan at magkikita daw silang dalawa. Nagalit at kinuha kaagad yung xmas gift ko sa kanya. Nauna akong bumaba sa kanya. Nagpaalam siya ng pasigaw. Di ko pinansin. Nanlumo ako. Nagtext siya "Sorry ginagawa ko naman ito para sa aking kapakanan, binabagayan ko lang si Johan ngayon dahil gusto kong maging regular sa pinapasukan ko ngayon. Babawi nalang ako sa susunod." Biglang naluha ako. Bakit ganun? Para namang unfair yata sa akin yun. Paano na 'to?

BUKAS...
Mamahalin ko pa ba siya ulit? Bibigyan ko pa ba ulit ang sarili ko ng isa pa bang pagkakataon para magmahal? Magiging fair ba ako sa mga nararamdaman ko sa aking sarili? Mahal parin ba niya si Johan kahit sabihin niya na ex na niya siya? Mawawalan na naman ba ako ng pagmamahal sa aking sarili? Iiwan ba naman niya ako ulit? Me bukas pa kaya para sa aming dalawa?